В №22 орта мектебінің тәлімгер апайымыз Армангүл Нұроллақызының ұйымдастыруымен «Сақтан ұрпақ СПИД деген қатерден!» атты акция өтті. Акцияның мақсаты-оқушылардың салауатты өмір сүре білуге тәрбиелеу, міндеттеріне шылым шегудің, ішімдіктің, нашақорлықтың, СПИД-тің адам ағзасына зиянды әсерлерін ашып көрсету, солардың салдарынан туатын аурулар туралы оқушылардың білімдерін жетілдіру, СПИД-тің адам өміріне зиянды әсерін аша отырып, олардың сана-сезімдерін тәрбиелеу және салауатты өмір сүруге азаматты жауапкершіліктерін орнықтыру. Акцияға шамамен 110 жалынды ЖасҰландықтар қатысты.

«Жас ұлан» бірыңғай балалар мен жасөспірімдер ұйымы» қоғамдық бірлестігі «Бақытты балалық шақ» мерекелік іс – шарасын Облыстық балалар денсаулығын қалпына келтіру орталығының бүлдіршіндерімен өткізген болатын. Жас Ұлан ұйымының белсенді оқушылары балаларға қуанышты көңіл – күй сыйлады.

Атырау облысы жастар саясаты мәселелері басқармасының қолдауымен Атырау облысы «Жас Ұлан» бірыңғай балалар мен жасөспірімдер ұйымы қоғамдық бірлестігінің ұйымдастыруымен қала мектептеріндегі әскери патриоттық клубтардың «Ұлы Жеңіс елге мұра, ұрпаққа-ұран» тақырыбымен мерекелік слеті өткізілді.

20 сәуір, 2015 жылы №27 И. Тайманов атындағы орта мектепте «Мәңгілік естен кетпес отты жылдар» атты кездесу кеші ұйымдастырылды. Кеш барысында Орынғали атамыз өмір жолы мен жасаған еңбектері жөнінде сыр шертті.

Атырау облысындағы 550 жылдық торында «Елдікті жырлаймыз» атты байқау жасалды. Байқауда «Жас дүлдүл» және «Көркемсөз шебері» номинациялары бойынша 58 оқушы қатысқан. Байқау жеңімпаздарына сертификаттар, тарихи кітаптар мен дипломдар ұсынылды.